ə sizi görməyə təkrar gələcəyəm- deyib Franka baxdı.
Frank ayağa qalxıb dedi:
- Qərarına hörmət edirəm Lion. Get, yolun açıq olsun. Haqqımızı da halal edirik. Unutma ki, burada bir evin var- deyib Mikayıla sarıldı..
Mikayıl onlardan ayrılaraq daxmasına keçdi və hazırladığı əşyaları götürüb "hələlik" deyərək oradan uzaqlaşdı. Bu vaxt Ceyn ağlayaraq evin içinə girdi. Frank da təkrar stula əyləşib dərin ah çəkib, göy üzünə baxıb:
- Həyat çox qəribədir, alışdığımız insanlar bir gün bizi tərk edərək çıxıb gedirlər- deyə düşündü və yağışın bərkidəcəyini hiss edib içəriyə keçdi...
....
Mikayıl bir qədər dayanıb Tomasa baxdı:
- Hə Tomi, mən oradan uzaqlaşdım. Sonra bilirsən neynədim?.. Döyüşlərə qatıldım- deyib gülümsədi.
Şokdan yeni çıxmış Tomas, Mikayılın döyüşlərə qatıldığını eşidəndə gözlərini geniş açaraq:
- Miko, sən nə danışırsan? Nə döyüşü?. Sənin bu vəziyyətinin səbəbi döyüşdü?- deyərək Mikayılın üzünə, qollarına baxdı.
- Hə Tomi, danışacağam- deyərək yarım qalmış söhbətinə davam etdi.
...
Mikayıl haraya gedəcəyini bilmədən boş yolda irəliləyirdi. Göy üzü tünd buludlu idi. Yağış yavaş-yavaş tökürdü. Mikayil tam islanmamaq üçün kapşonunu başına keçirmişdi. Frankın dediklərini düşünürdü. O, özünü qarşısına çıxan düşməndən necə qoruyacaqdı. Ətrafda yağışdan qaçan insanlardan gizlənmək üçün kapşonunu biraz da qabağa çəkdi. Düşünürdü ki, hansısa onun düşməni ola bilər. Hər insana şübhə ilə baxırdı. Bu fikirlərlə yeriyərkən qarşıda bir topa insanın yığışıb döyüş izlədiyinə şahid oldu. Gəlib izdihama qarışaraq döyüşü seyr etməyə başladı. Hər kəs qışqıraraq qələbə çalanın adını səsləyirdi. Mikayıl, ortalıq sakitləşdikdən sonra sonra ərazinin böyüyünə yaxınlaşaraq ciddi şəkildə:
- Salam, mən döyüş öyrənmək istəyirəm. Haradan maraqlana bilərəm? - deyərək qaşını qaldırdı.
Bakenbardları ağaran, yanağında böyük çapığı olan orta yaşlı kişi Mikayılı başdan aşağıya süzərək ürəkdən güldü:
- Nədir? Yoxsa bu döyüşənlərə baxıb sən də ilhamlanmısan?. Aynada öz