qoyub:
- Səninlə hər zaman- dedi.
Mikayıl Cenninin gözəl gözlərinə baxaraq:
- Bu əli əsla buraxmayacağam, səninlə hər zaman- dedi və gülümsəyərək Cenni ilə tans etməyə başladı.... İrəlilədikcə Mikayıl Lusiylə də tans etdi. Birlikdə oynayıb çox əyləndilər. Lusi Tomasla birlikdə oynayanda hər kəs onları izləyib əl çalırdı. Ceyn çətin də olsa gülümsəyirdi.... Xoş bir gün beləcə sonlandı. Qərar vermişdilər ki, bütün ailə eyni evdə yaşayacaq. Ev iki mərtəbəli böyük bir yer idi. Hər kəs rahat ola biləcəkdi...
Üstündən 1 həftə keçdikdən sonra Mikayıl və Cenninin toy günü gəlib çatdı. Cenninin həyatı anidən yaxşıya doğru dəyişmişdi. Bu gün hər şey onun üçün çox gözəl görünürdü. Evin içində uçuşan milçək, kiminsə bir biri ilə münaqişəsi, keçirdiyi həyəcan hər biri ona ləzzət verirdi. Gəlinliyi geymiş otağın içində əli ayağına dolaşaraq gəzişirdi. Bundan öncəki həyatını, atasının onu satdığını, ilk ərə getdiyi günü düşündü. Artıq keçmişdə olan heç bir hadisə onun qəlbini yaralamırdı lakin içini durmadan dağlayan bir hiss var idi. Uşaq yaşında itirdiyi anasını xatırlayaraq acı gülümsəmə ilə dəftərini əlinə alıb yazmağa başladı " Əzizim anam, qızın artıq xoşbəxtdir. Bu gün toyumdur ana. Bundan sonra mənim əzab çəkdiyimi görməyəcəksən. Səni sevirəm. Rahat yat"- yazıb dolan gözlərini sildi..
Mikayıl otaqda güzgünün qabağından çəkilə bilmirdi. Tomas heyrətlər içində:
-Miko köynəyinin qolu yırtılıb. Sən nə edəcəksən?- deyərək başını tutdu.
Mikayıl həyəcan içində çevrilib aynada qoluna baxaraq:
- Tomas, sən nəyi deyirsən? Görmürəm. Tomi, bir şey et. Birazdan toy başlayacaq. Tomii- həyəcan keçirərək dayanmadan Tomasın adını səsləyirdi.
Tomas şaqqanaq çəkib gülməyə başladı. O qədər gülürdü ki, danışmaqda çətinlik çəkirdi:
- Qardaşım, zarafat edirəm. Səni belə görəndə həyəcanlandırmaq istədim sadəcə- deyib dayanmadan gülürdü.
Mikayıl çevrilib əlinə keçən ilk əşyanı Tomasın üstünə atıb gülərək dedi:
- Cəhənnəm ol burdan, zarafat edirmiş. Tomas da dişlərini ağardaraq