Allah bütün Anaları qorusun.
Gözəl Anam, nur üzlü Anam Allah sənə sağlam canla uzun ömür versin. Yaxşıki varımsan. Allah səni üstümüzdən əskik etməsin. Böyüklükdən əskik olmayasan. Xoş günlər nəsibin olsun.
DÜNYAYA GƏLİŞİN MÜBARƏK ANAM.

MÜBARƏK OLSUN!

Gəldim təbrikinə şeirlə Ana,
Yüz bahar, yüz yazı atasan dala,
Səni hifs etsin tək Allahtala,
Ürəyin sevinclə, fərəhlə dolsun
Anam, doğum günün mübarək olsun!

Sevir ətrafında səni hər insan,
Al ilk hədiyyəni oğlun Vüsaldan,
Anar sənə sağlıq dilər Allahdan,
Səni sevməyənlər qadanı alsın
Anam, doğum günün mübarək olsun!

Günay da, Ayşən də, öpür gözündən,
Örnəklər alırlar sənin izindən,
Zinətdir saçında ağaran ağ dən,
Gün-gündən sevincin artsın, çoxalsın
Anam, doğum günün mübarək olsun!

Yaşa arzularla, istəklə yaşa,
Əzab - əziyyətin çıxmasın boşa,
Bir-birimiz ilə verib baş-başa,
Ömrümüz hələ çox zəfərlər çalsın
Anam, doğum günün mübarək olsun!

Vüsalam, şairəm, hədiyyəm sözdü,
Sözlərim boynuna incilər düzdü,
Bir də görək yaşın, ay Ana, yüzdü,
Körpə nəvələrin sənlə ucalsın
Anam, doğum günün mübarək olsun!

Vüsal Ağayev