Səyahət zamanı Xristofor Kolumb gəmilərin təmiri zəruri olduğu üçün Yamaykaya baş çəkir. Oradakı yerlilər də təmirə kömək edir, gəmi tayfasına yemək və içki verir.

Ancaq aradan aylar keçsə də, təmir bitmir ki, bitmir. Üstəlik gəmi tayfası yerlilərin qida ehtiyatını yağmalamağa başlayır. Buna hirslənən yerlilərsə yardımı və yeməyi kəsirlər.

Çarəsiz qalan Kolumb o dövrlərdə gəmilərdə olan və ulduzların yerini müəyyən edən təqvimə nəzər salarkən sabah Ay tutulması olacağını öyrənir. Ağlına parlaq bir fikir gəlir və o saat yerlilərin başçısının yanına gedir.

▫️Başçıya Tanrı ilə xəbərləşdiyini və Tanrının köməyin kəsilməsinə çox qəzəbləndiyini, bu qəzəbini də Ayı qan qırmızısına çevirərək göstərəcəyini deyir.

Ertəsi gün Ay tutulması başlayır və Ayın rəngi tutulmaya görə qırmızı rəngə çevrilir. Kolumbun oğlu o anı gündəliyinə belə yazır :

"İnləmə və fəryadlarla birlikdə hər yerdən gəmilərə doğru gəldilər, çoxlu yemək və içki gətirdilər, Tanrıya onları bağışlaması üçün dayanmadan yalvardılar."

▫️Kolumb qum saatına baxır, 48 dəqiqə çəkən tutulma bitmək üzrədir artıq. Onlara Tanrının onları bağışlayacağını və Ayın bir azdan normal rənginə qayıdacağını deyir...

Və tutulma bitir.

Tanrı tərəfindən bağışlanan yerlilər də xoşbəxtdir, kainatın iş prinsipini bilən Kolumb da...

"Cəhalət hər zaman köləliyi gətirər" deyə qeyd edir dəftərinə...