Qustav Floberin çox sevilən, çox danışılan, çox tənqid olunan kitabı.

İlk dəfə 1856-cı ildə “La Revue de Paris” ədəbiyyat jurnalında dərc olunan əsər, açıq-saçıq təsvirləri ilə bir anda gündəm olur, "əxlaqsız" məzmununa görə ağır tənqidlərin hədəfinə çevrilir.

Əslində, əsərin sonunda obraz etdikləri üçün cəzalandırılır. Lakin, xalqın mühafizəkar kütləsi üçün bu kifayət deyildi. Yazıçıya məhkəmə işi açılır !

Məhkəmə cəmisi 1 gün çəkir. Vəkil Mari-Antuan-Jük Senarın mükəmməl çıxışı ilə, Qustav bəraət qazanır, kitabını 2 cildlə nəşr etdirir. (Hətta kitabın epiqrafında yazıçı vəkilə xüsusi təşəkkürünü qeyd edir.)

Qeyd edək ki, əsər əslində, Delfina Delamar adlı real, tarixi bir şəxsin həyatına əsasən yazılıb. Belə ki, bu evdar xanım 17 yaşında ailəsini atıb orta yaşlı həkimlə evlənir, ona dəfələrlə xəyanət edir, borclanır və borclarını ödəyə bilməyib intihar edir.