farsa, yunana və s. yüzlərlə fərqli kimliyə bölünüb.
Çox təəssüf ki, bu kimi bölünmələrin bəşər tarixində ən böyük faydası müharibələrə olmuşdur.

İnsan mədəniyyətinin fərqli coğrafiyalarda fərqli çalarlarda yeni forma alması həyata rəng qatan insani amildir. Çinli Çinə uyğun, hindli Hindistana uyğun, misirli Misirə, yunan Yunanıstana uyğun mədəniyyət formalaşdıracaqdır. Çünki mühit fərqli təkamülü zəruri edir. Ancaq insan fərqli mədəniyyət qurduğu üçün mədəniyyətlərin özü bir-biriylə toqquşdu.

Baza olaraq insanın fərqli kökə malik olması göstərilir, dinlər, irqlər, millətlər anlayışı ortaya çıxır. Bu anlayışlar bir-birinə zidd olaraq göstərilir. Halbuki, təməl olaraq insanlıq eyni mədəni kökdən törəmişdir. Bu mədəni kök əvvəldə qeyd etdiyim kimi insanın sırf bioloji varlıq olmasından çıxıb özünüdərkə yönələn, ilk mədəniyyəti formalaşdıran anıdır.

Bugün dünyada yüzlərlə millətlər, fərqli düşüncələrə malik cəmiyyətlər, inanclar vardır. Bunlar öz-özlüyündə fərqli dəyərlərə, önəmə sahib zəngin mədəni irsi daşıyırlar. Bu cəhətdən bu fərqliliklər önəmlidir.
Ancaq fərqliliklər bəşəri insan amilini mənfi çalarlarda ayırmağa xidmət edirsə, biz insanlıq dərk etməliyik ki, hamımızın mədəni təkamül kökü eynidir.
Dünyadakı bütün fərqli mədəni-etnik anlayışların təməl kökləri eynidir.

Hələ ki, bilinən ən qədim mədəni kökümüz Göpeklitepe olduğundan, biz hamımız bəşəri olaraq ilk öncə