Azərbaycan-Ermənistan sərhəd müəyyənləşməsi prosesində Qazağın kəndləri və Gədəbəyin Başkənd kəndinin bölüşdürülməsi simvolik əhəmiyyət daşıya bilər. Bu kəndlər köhnə xəritə ilə qarışıq situasiyaya malikdir. Belə ki, Qazağın kəndləri Ermənistanın içərisində, Gədəbəyin Başkənd kəndi isə bizim ərazi daxilimizdə blokadadı.
Əgər bu kəndlər keçmiş xəritəyə görə geriyə qaytarılsa bu o deməkdir ki, bizim vətəndaşlar Ermənistan ərazisindən keçib o kəndlərə gedəcək, ermənilər də bizim ərazimizdən. Yəni, Azərbaycan-Ermənistan sərhədi faktiki yox kimi olacaq.
Hər iki ölkə üçün sülhün bərqərar olması bu qədər ağır müharibələrdən sonra asan məsələ deyil. Ona görə bu simvolik sərhəd faktoru ilə vizual görüntülər barışın ilkin vizual görüntüsünə səbəb ola bilər. Qazaxda və Gədəbəydə bir-birinin içərisindən rahatca gedib-gələcək insanlar ümumi sərhədboyu və Qarabağ daxil bir çox ilkin tilsimləri sındıran faktor ola bilər.