Avropadakı qadın zorakılığı ilə bağlı statistikalara aid paylaşımımla bağlı belə bir təsnifat verim.

Əvvəla, Avropada olan qadın zorakılıqlarının çox olmasını göstərməklə bizdəkilərə haqq qazandırmaq ağılsız və ədalətsiz yanaşma olardı. Məsələ sadəcə birinin demonlaşdırılması zəminində digərinin ilahiləşdirilməsidir ki, bu da yanlışdır.

Ən çox söylənən fikir budur ki, Avropada qadına qarşı haqsızlıq olsa da, hüquq sistemləri yaxşıdır. Yəni, olası haqsızlıqdan sonra qadınların məsələsinə baxılır.
Belə deyək, 15 yaşlı bir uşaq zorlanır və ən pis halda hətta öldürülür. Bu uşaq həmin travmanı yaşadıqdan sonra və ya öldükdən sonra hüquq nəsə etsə nə dəyişəcək? Zorlanan qız qayıdacaq və ya psixoloji durumu düzələcək?
Əgər hüquq çox güclüdürsə Avropada bəs onda niyə şiddət yenə var?
Sual sadədir: Şiddət olandan sonra nə baş verir yox, şiddət niyə olur?
Məsələ budur.

Bizdə şiddətin səbəbi iqtisadi və cahillikdirsə, Avropada iqtisadi durum normal, cahillik də bizdən az, özüdə hüquqi sistem mükəmməldirsə bəs niyə orda şiddət olur?
Deməli, Avropanın da ayrı çox problemləri vardır ki, bunu İstanbul konvensiyası zad həll etmir. Hətta bəlkə də təbliğ olunan ifrat azadlıqlar əks-təsir effekti yaradır.

Qadınların iqtisadi problemləri, cəmiyyətdəki cahillik xüsusiyyətləri yönündə dəyişimlər olmasa birbaşa hansısa konvensiya ilə heç bir problem həll olunmaz. Avropanın müəyyən standartları burda birbaşa alınmaz. Avropanın o qədər örnək standartları vardır ki, niyə ancaq bu İstanbul konvensiyasi gözə soxulur?

Baxın, dünyada əsas məsələ budur ki, müzakirəyə qoyulan mövzunun mahiyyətinə baxın:
Fahişəlik leqal olsun yoxsa yox?
Əksəriyyət deyir ki, Avropa hüquqi dövlətdir, çünki orda fahişəlik qanunidir. Bizdə yox.
Ancaq niyə heç kəs demir ki, ümumiyyətlə fahişəlik niyə baş verir?
Niyə heç kəs demir ki, qadın niye fahişə olur? Niyə bədənini hansısa parazit kişilərə satmaq məcburiyyətində qalır? Bunu hüquqla və ya hüquqsuz satanda nə dəyişir?