İçmədiyim şərabın
xəyalıyla sərxoşam.
Görmədiyim birini
toxunmadan sevmişəm.
Mən yaşımdan yaşlıyam,
sanki illər öncədən
unudulmuş bir küçə,
tərk edilmiş evmişəm...

Sanki bir gecə bezib
ulduzlara qaçmışam,
öz evimdən cığırla
səmaya yol açmışam.
Yolun sonunda bitir
ulduzlar, göyqurşağı.
Bura ömürlük gəlib
enməmişəm aşağı.

Sən yad olma ömrümə,
tut əlimdən astaca.
Buralara mən yadam,
itirərəm yolumu...
(sanki bir az meyxoşam.)
Uzun yoldan gəlmişəm,
yol boyu sənlə birgə
içmədiyim şərabın
xəyalıyla sərxoşam...