Qadın çox böyük anlayışdır.

Fransız yazıçısı, psixoloqu Marcel Proust'un bir cümləsi vardır, hansı ki mənə görə bu aforizm kainatda qadınlara deyilmiş ən mükəmməl ifadələrdəndir. Mən bu aforizmi ildə bir gün yox, qadın anlayışına yanaşdığım hər gün xatırlayıram:

"Laissons les jolies femmes aux hommes sans imagination."

Hər nə qədər tərcüməsini tam ifadə etmək çətin olsa da, sırf tərcümədə belə çıxır:
"İcazə verin, gözəl qadınlar sırf təxəyyülü olmayan kişilər üçün olsun."
Yəni, açıqlaması odur ki, gözəlliyi olmayan qadın yoxdur, sadəcə təxəyyülü olmayan kişilər vardır.

Təbii ki, burda qadın olduğunu həqiqi dərk edən, qadın anlayışının böyüklüyünün fərqində olan qadınlardan gedir söhbət.

Mənə görə qadınlara sadəcə bir gün həvalə etmək də düzgün deyildir. Bütün günlər qadınların olmalıdır. Qadınlara dəyər və hörmət verildiyi hər gün qadınların bayramıdır. Və əziz qadınlar siz də bilin ki, sizin xoşbəxt olduğunuz gün özünü və həyatı dərk edən bütün kişilərin də bayramı olacaqdır. Dərk etməyən insanların qadını kişisi yoxdur zatən.

Bizim qadınların əksəri ismətlidir, dəyərlidir, vəfalıdır, ailə dəyərlərinə bağlıdır, mərhəmətlidir. Hər nə qədər getdikcə iyrəncləşən dünya qadınlı kişili çox neqativ obrazlar formalaşdırsa da, yenə də bizim qadınların dünyada bənzəri yoxdur.

Öz ailəmdəki qadınlar daxil, bütün qadın və kişilərin ailələrindəki qadınları, ümumən haqqında danışmış olduğum böyük dəyərə layiq bütün Azərbaycan qadınlarını təbrik edirəm!
Yaxşı ki varsınız!