Bu gün necə yarandı ?

8 mart, 1857-ci ildə, Nyu-Yorkda bir toxuma fabrikasının işçi qadınları aksiyaya başlayır. Nə az, nə çox, 40 min işçi gündəlik iş müddətinin 16 saatdan 10 saata endirilməsini və maaşların artırılmasını tələb edərək tətilə çıxır.

Bu, həmin tarixə qədər və ondan sonrasında görülmüş ən böyük qadın aksiyalarından birisi olur.

Bəs "azadlıqlar ölkəsi" ABŞ hökuməti bu tətil qarşısənda nə edir, sizcə?

Polislər bu qadınlara hücum edir, fabrik sahiblərinin köməyi ilə onları fabrikə kilidləyir. Məkanda necəsə (!) yanğın törənir və 129 qadın yanaraq can verir.

KİV'də bu barədə, - məqsədli şəkildə - demək olar ki, heç məlumat verilməsə də, o qadınların cənazəsinə 100 mindən çox insan qatılır...

İlk dəfə 1911-ci ildə "Beynəlxalq İşçi Qadınlar" günü keçirilir. Avstriya, Danimarka, Almaniya və İsveçrədə dinc aksiyalarda on minlərlə qadın seçmə və seçilmə hüququ, tam iş və təhsil imkanı, həmçinin, cəmiyyətdə kişilərlə bərabər hüquq tələb edir.

İllər ərzində bu gün əksər dövlətlərdə qeyd olunan əlamətdar günə çevrilir.

Önəmli qeyd : Tarixindən də gördüyünüz üzrə, 8 Martın heç bir din və siyasi ideologiya ilə bağlılığı yoxdur.

8 Mart, haqsızlıqlara qarşı susmamış, mübarizə aparmış, hüquqlarını tələb etmiş qadınların günüdür. Dərin anlam və önəmi var.

Hədiyyə verməyin, təbrikləşməyin demirəm, lakin 8 Martı sadəcə kapitalizmə və ticarətə xeyir verən bəsit bir günə də çevirməyin.

Qadınlar gününüz mübarək. Yaxşı ki, varsınız. Hüquqlarınız üçün mübarizə aparmaqdan əsla vaz keçməyin