Güclü iqtisadiyyata malik ölkələrin enerji təminatında atom-nüvə stansiyaları önəmli rola malik olub və hələ də olmaqda davam edir.

Təsəvvür edin ki, böyük bir şəhərin elektrik təminatını və ya iri sənaye kompleksinin işləməsini təmin etmək üçün enerjiyə ehtiyacınız var. Ya min vaqon kömür yandırmalısız, ya neft-qaz, ya da böyük bir çayın qabağını kəsməlisiniz.

Digər bir variantda isə 10 nəfər yaxşı mühəndis tapıb bir neçə kq uranla bunu etməlisiz. Bugün super dövlətlərin əksəri də bundan istifadə edir zatən.

Dünyada ən böyük enerjiyə sahib Günəşdir. Ancaq hələ ki, Günəşdən alınan enerjinin ümumi potensialı 2%-dir.
Günəş enerjisini digər yanacaq enerjisi ilə əvəzləmək üzərində işlər gedir. Ancaq faktiki reallıq odur ki, hələ ki bununla sadəcə elektrik lampalarını işıqlandıracaq potensial vardır. O da dediyim ki, cəmi 2%-dir hələ ki.

Yəni, Avropa 5 ilə enerji inqilabı edəcək, ABŞ 3 ilə alternativ enerjilərə keçəcək kimi söyləntilər hələ ki Elon Musk`ın nağıllarına bənzəyir. Bu proses baş versə belə hələ çox zaman tələb olunacaqdır bu dəyişimə.

Xüsusi qeyd edim ki, dünya enerji tələbatının 38%-ni hələ kömür ödəyir. 19-cu əsrin texnologiyasına uyğun kömürlə işləyən İstilik Elektrik Stansiyaları planetimizin hələ ki ən böyük enerji təminatçısıdır.