Dünyanın ən vacib əmtəələrindən biri yarımkeçiricilər və çip texnologiyasıdır. 5-6 trilyon dollarlıq sənayenin və gələcəklə bağlı (süni zəka, 5G, maşınqayırma vəs) bütün texnologiyaların əsasını təşkil edir. Keçən il pandemiyaya görə bu sahədə problemlər yaranmışdı, nə qədər sektora təsir etmişdi.

Bu sektorda müxtəlif şirkətlər olsa da, əsas üstünlük Amerika, Çin, Cənubi Koreya və Tayvan şirkətlərindədir. Elə Amerika ilə Çinin əsas mübarizə-rəqabət apardığı sahələrdəndir. Bu sahədə araşdırma aparan, istehsal edən və yığım və testing edən və ya hamısını edən şirkətlər var. Amma istehsal işinin yarıdan çoxu bir Tayvan şirkətinə (TSMC) aiddir. Neçə ildir elə bu şirkətin kimə çip satıb satmaması ilə bağlı müzakirələr gedir. Məsələn Amerika onların Huawei’ə çip satmasına sanksiya qoydu. Çin hər il 300 milyard dollardan çox yarımkeçirici idxal edir və çoxunda Amerika texnologiyasından asılıdır. Bunu da azaltmağa çalışır.

Texnologiyanı və təbii resursları idarə etmək iqtisadiyyatı idarə etməyin əsas hissələrindən biridir. İndi Hong Kongu görəndən sonra maraqlıdır Tayvan üzərində hökmranlıq necə dəyişəcək və Çin Tayvana siyasi və hərbi təzyiqləri artırar mı? Həm də Intel, Qualcomm, Micron, Nvidia, Samsung kimi böyük şirkətlərin və bəzi Avropa şirkətlərinin də daxil olduğu bazarda dinamika necə dəyişəcək. Bu arada çip istehsalı üçün çoxlu su və enerji lazımdır. Bu da təbii resurslar üzərində mübarizəni gücləndirəcək.