Elon Musk'ın son günlər qlobal dünya gündəminə saldığı mövzularından. Yenə əksəriyyət tiraj-tiraj paylaşdı bu xəbəri:
Kosmosda otel yaradılacaqmış.

Bu oteldə adamın biri 5 milyon dollardan 3 günlük dünyanın ətrafında kosmosda dövrə vuracaq, oteldə qalacaq, əylənəcək. Elə bil Four Season zaddır. Hər turda da 400 adamı Elon Musk abimizin Falcon raketləri daşıyacaqmış. Belə çox rahat. Elə bil Biləcəridən 28 maya qatar zaddı.

Həqiqətən də dünyanı elm vasitəsiylə trollamaq qədər əclaf bir şey çox az olar.

Əvvəla, belə deyim ki, bunun elmə nə faydası? Tutaq ki, bunu edə bilirik. Adambaşı 5 milyondan hər reys 2 milyard edir. 30 reys 60 milyard edir. 10 Azərbaycan boyda dövlətin bir illik ümumi gəliri deməkdir bu.
Mən həyasız kapitalist görmüşdüm, ancaq bu qədər arsız və pul hərisi birisini nə görmüşəm, nə də eşitmişəm.
Adam utanmadan da deyir ki, bəşəriyyəti xilas etmək funksiyası var. Tək məqsədi budur. Bu bəşəriyyəti və onun gəlirlərini heçə məhv etməkdir.

Gəlim mövzunun reallaşma məsələsinə. Buna inanan insanlar yəni heç olmasa bir dəfə maraqlanıblar ki, kosmosda otelin hərəkətini qoyuram hələ bir kənara, kosmosa qalxış və eniş prosesi necə olur?
Kosmosa qalxış və eniş prosesi kapsulalarla həyata keçirilir. Qalxan raket kapsulaları atır və o gedib bitişir digər qurğuya. Eyniylə də qayıdanda kapsula ilə enirlər aşağıya. Ən çətin proses qayıdışdır. Çünki Yer kürəsi elə bir atmosfer təkamülü keçib ki, ona daxil olan istənilən cismə güclü müqavimət göstərir. Meteoritlər niyə yanır atmosferdə zənn edirsiniz? Kapsulalar buna dözsün deyə xüsusi materialdan hazırlanır.
Baxın, NASA 70 ildir kosmik sahədə tədqiqatlar aparır, astronavtlar yetişdirir. Hələ indiyənə kimi NASA asttonavtlarını kapsula ilə quru sahəyə tullaya bilmir. Suya atır. Bu prosesi icra edə bilən sadəcə Sovet kosmik elmi idi ki, quruya enişi həyata keçirdə bilir. Bugün ABŞ daxil hər kəs enişi daha çox Baykonura niyə edir zənn edirsiniz?
Ayrıca, kosmosdan yerə adi adam belə enə bilməz.