Şagirdin öyrənməsinə ən çox təsir edən faktor müəllim və onun effektiv dərs keçməsidir. Yaxşı müəllimlə pis müəllimin təsiri üç dörd il çəkə bilər. Yəni yaxşı müəllimlər silsiləsi bir şagirdin həyatında ən təsirli amillərdəndir. Onun üçün müəllimin dediyi dərsdən çox onun hər tələbə ilə maraqlanması daha vacib olur, onu daha çox yadda saxlayır. Çox vaxt yaxşı müəllimlər standardlardan kənara çıxır, sinifdəki şagirdlərə uyğun dərslər qurur, hər şagirdin öyrənmə metodunu öyrənib ona uyğun çalışmalar qurur.

Buna görə imkan vermək lazımdır ki, yaxşı müəllimlər standard praktikadan bəzən uzaqlaşıb öz təşəbbüslərini göstərsinlər, öz istədiklərini edə bilsin. Amma eyni vaxtda şagirdlərə də öz fikirlərini, öz bacarıqlarını göstərəcək, özlərini daha yaxşı ifadə edəcək tapşırıqlar vermək lazımdır. Bu çətindir, əzbərçilik, standardlıq çox asan olduğuna görə gərək təhsil sistemi və rəhbərliyi də müəllimlərə etimad göstərsin, maddi və mənəvi dəstək versin... bunların demək olar hamısı ali təhsilə də aiddir.