Bloombergin məlumatına görə artıq dünyada 121 ölkədən 334 milyon adama ən azı bir vaksin vurulub. Günə 8.4 milyon vaksin vurulur. Adambaşına vaksin sayına görə İsrail, Seyşel, Bəhreyn, ABŞ, Serbia və Çili ən qabaqdadır. Mərkəzi Asiya və Qafqazda Türkiyə, Rusiya və Azərbaycan öndədir. Azərbaycanda artıq 450 minə yaxın vaksin vurulub.

Amerikanın belə sürətlə vaksin vurdurması əslində məni təəccübləndirdi. Artıq yüz milyona yaxın adam azı bir doza vaksin vurdurub. Günə 2.3 milyon adam təxminən. Əhalinin 20 faizi bir, 10 faizi iki dozanı vurdurub. Deyirdim yəqin çox yavaş gedər proses. Düzdür yeni hökümətin bu sahədə effektiv işləməsi də əsas amildir, bundan əvvəlkinə qalsa belə olmazdı. Mayın birinə qədər hamıya çatacaq qədər vaksin olacaq.

Amma adam tanıyıram keçən il yayında gülürdü virusa, sonra özünü tutdu, bir təhər sağaldı, indi hamıdan qabaq vaksinlənib. Can şirin şeydi, siyasət, propaganda, lağ-lağı bir yerə qədər:)