çinlilərə adaya daxil olmağa imkan vermir.

İki saat sonra, sursatı tükənən sovet sərhədçiləri adadan geri çəkilmək məcburiyyətində qalırlar. Döyüşə cəlb olunana qüvvələrin yetərli olmadığı, çinlilərin isə sərhədçilərdən əhəmiyyətli dərəcədə çox olduğu aydın olur. Uzaq Şərq Hərbi Dairəsinin komandiri general-polkovnik Oleq Losik Sovet İttifaqı qoşunlarının münaqişəyə girməmək barədə Sov.İKP MK-nın Siyasi Bürosunun təlimatını pozaraq saat 17:00-da, kritik məqamda atəş açmaq əmri verir. Mərmilər Çin qruplarının və ordusunun maddi-texniki ehtiyatlarının çoxunu məhv edir. 17:10-da 135-ci motoatıcı diviziyanın 199-cu motoatıcı alayının sərhədçiləri hücuma keçirlər. Çinlilər mövqelərindən çəkilməyə başlayırlar.

Sovet qoşunları yenidən öz sahillərinə çəkilir. Çin tərəfi artıq dövlət sərhədinin bu hissəsində genişmiqyaslı düşmənçilik hərəkətləri etmir.

İtkilər

Ümumilikdə, toqquşmalar zamanı sovet qoşunları 58 nəfər itirir (dörd zabit də daxil olmaqla), 94 nəfər yaralanır (doqquz zabit daxil olmaqla). Çin tərəfi itkiləri barədə məlumatı bu günədək açıqlamır. Müxtəlif hesablamalara görə, onların sayı 100-lə 300 nəfər arasında dəyişir. 2-15 mart 1969-cu il tarixlərində həlak olan 68 Çin əsgərinin külünün yerləşdiyi Baotsin əyalətində memorial qəbiristanlıq var.

Bu hadisələrə görə beş hərbçi Sovet İttifaqı Qəhrəmanı adına layiq görülür. Digər çoxsaylı sərhədçilər dövlət mükafatları ilə təltif olunurlar.

Nizamlanma

Havalar isindikdən, buzlar əridikdən sonra sovet sərhədçilərinin Damanska çıxışı çətin oldu. Adanın çinlilər tərəfindən ələ keçirmək cəhdlərinin qarşısı snayper və pulemyot atəşi ilə alınmalı idi. 10 sentyabr 1969-cu il tarixdə atəşi dayandırmaq əmri verilir. Görünür, sabahı gün Pekin hava limanında başlayan danışıqlar üçün əlverişli zəmin yaratmaq istənilir.

Sentyabrın 11-də Pekində Vyetnamdan – Ho Şi Minin dəfn mərasimindən qayıdan SSRİ Nazirlər Sovetinin sədri (baş nazir) Aleksey Kosıgin və Çin Xalq Respublikası Dövlət Şurasının Baş naziri