i Çjou Enlay düşmənçilik hərəkətlərini dayandırmağa və qoşunların Damanska daxil olmadan öz mövqelərində qalmalarına razılaşırlar.

20 oktyabr 1969-cu ildə SSRİ və ÇXR hökumət başçıları arasında yeni danışıqlar aparılır, sovet-Çin sərhədinə yenidən baxılması zərurəti barədə razılıq əldə edilir. Bundan əlavə, Pekində və Moskvada bir sıra danışıqlar aparılır.

Nüvə müharibəsinin bir addımlığından geri dönüş

2010-cu ildə Fransanın “Le Figaro” qəzeti Çinin nüfuzlu, “Jenmin jibao” (“Xalq gündəliyi”) dərc etdiyi əlavəyə istinad edərək Damansk hadisələri barədə silsilə məqalələr dərc edib. Məqalədə SSRİ-nin 1969-cu ilin avqust-oktyabr aylarında ÇXR-ə qarşı nüvə zərbəsi endirməyə hazırlaşdığı iddia olunurdu. Analoji məqalə Honq-Konqda dərc olunan “South China Morning Post” qəzetində də yayımlanıb. Bu məqalələrə görə, ABŞ ÇXR-ə qarşı nüvə zərbəsi olacağı təqdirdə neytrallığını qoruyub saxlamaqdan imtina edib və 15 oktyabrda Sovet İttifaqının 130 şəhərinə hücum edəcəyi ilə təhdid edib. “Beş gün sonra Moskva nüvə zərbəsi planlarını ləğv etdi və Pekində danışıqlar başladı: böhran bitdi”, – deyə qəzet yazır. Bu epizodu ABŞ Prezidenti Riçard Niksonla bağlayan tədqiqatçı Li Çenşan hansı arxiv mənbələrinə istinad etdiyini açıqlamır.

Onu da qeyd edək ki, sözügedən məqalədə ABŞ-ın nüvə zərbəsi endirməyi planlaşdırdığı şəhərlər arasında SSRİ-nin Moskva, Leninqrad (Sankt-Peterburq), Kiyev, Daşkənd, Xarkov, Minsk, Qorki (Nijni Novqorod), Novosibirsk və Sverdlovskla (Yekaterinburq) birgə 10 ən böyük şəhərindən biri olan Bakının da adı var idi.

Beləliklə, Damansk adası üstündə 2 mart 1969-cu ildən SSRİ ilə Çin arasında başlayan aktiv döyüş əməliyyatları həmin ilin sentyabrında sona çatır, danışıqlar isə oktyabr ayında başlayır.

19 may 1991-ci ildə tərəflər razılığa gəlirlər – ada tamamilə, birfədəlik, yekun olaraq Çin Xalq Respublikasılnın yurisdiksiyasına keçir. Həmin gündən etibarən Damanskda Çinin qırmızı fonda beşgüşəli bayrağı dalğalanmağa