Sevgi

Müdrik insan meşədə bir evdə yaşayırdı. Bura onun yanına çoxlu insanlar gəlirdi.Kimsə ondan məsləhət alırdı, kimsə təskinlik tapırdı.Hər kəs öz axtardığını tapmaq üçün gəlirdi.
Bir gənc oğlan da müdrik insanın yanına gəlmək istəyirdi.
Atası buna etiraz edirdi:
- Sən özün ağıllı, imkanlı insansan. Onun yanına getmək sənin nəyinə lazımdır?
- Mən sevgisiz qalmışam. Sevgi tapa bilmirəm.
Anası isə deyirdi ki, ürəyinə görə bir qız tapıb evlənməlisən.
- Yox, qızların hamısı şıltaq və dəyişkəndilər.
Nəhayət, o yola düşdü. İki üç gün yol getdikdən sonra müdrik insanın evini tapdı.Onunla görüşüb sevgi axtardığını dedi.
- Bu dünyada sevgisiz yaşamaq çətindir.
- Yaxşı. Gəl əvvəlcə yemək yeyək. Görürəm sən acsan.
- Gənc oğlan çox ac olduğunu dedi.
- Burda şkafda çörək var. Amma bir az gözlə gedim, meyvə- tərəvəz də gətirim.
Oğlan çox gözlədi, amma gələn olmadı. Aclıq ona güc gəldi. Durub şkafları axtardı. Açıq olan şkaflarda çörək tapmadı. Bir bağlı şkaf var idi. Fikirləşdi ki, çörək burdadır. Yerdən bir qırıq mismar tapıb bağlı şkafı birtəhər açdı. Çörəyi tapıb yemək istəyəndə müdrik insan içəri girib dedi:
- Sevgini bu çörəyi axtardığın kimi axtarmalısan.
Onda istədiyin sevgini tapacaqsan.