Dünyanın ən gözəl tablosu

Məhşur bir rəssam dünyanın ən gözəl tablosunu çəkməyə qərar verir. Dünyada ən gözəl şeyin nə olduğunu tapmaq üçün uzun bir səyahətə çıxır.
Yolun kənarında qoca kişiyə rast gəlir, onunla söhbət etdikdən sonra ondan "Dünyada ən gözəl şey nədir?" sualını soruşur.
Qoca isə ona " Dünyada ən gözəl şey imandır" deyir.
Sonra bir qəsəbədən keçəndə orda toy olduğunu görür. Camaata qarışıb gəlinlə bəyə yaxınlaşır və onlardan da dünyada ən gözəl şeyin nə olduğunu soruşur. Onlar da bunun sevgi olduğunu deyirlər.
Rəssam yoluna davam edir. Tozlu yolda qarşısına cəbhədən qayıdan bir əsgər çıxır. Ondan da eyni sualı soruşur. Əsgər isə dünyanın ən gözəl şeyinin sülh olduğunu deyir.
Rəssam bu cavablar eşitdikdən sonra bunların şəklini necə çəkəcəyi barədə düşünə- düşünə evinə qayıdır. Evə çatdıqda dünyanın ən gözəl tablosunun qarşısında olduğunu görür.
Uşaqlarının baxışlarında iman, həyat yoldaşının gözlərində sevgi, evində isə sülh olduğunu görür.
Rəssam dünyanın ən gözəl tablosunu çəkir adını isə belə qoyur : " Evim".