Üç ələk - Həqiqət, Xeyirxahlıq və Fayda

Biri Sokratdan soruşur:
- Bilirsən, dostun sənin haqqında nə dedi?
Sokrat cavab verdi:
- Dayan, əvvəlcə demək istədiklərini üç ələkdən keçir.
- Üç ələk?
- Birinci demək istədiyin sözü həqiqət ələyindən keçir. Əminsən ki, bu söz həqiqətdir?
-Yox. Mən bilmirəm. Ancaq eşitmişəm.
- Deməli, sən bunun yalan və ya doğru olduğunu bilmirsən. Gəl, indi bu sözü ikinci ələkdən - xeyirxahlıq ələyindən keçirək.
Bu söz yaxşı sözdür?
- Yox, əksinə.
-Deməli, sən mənə pis bir söz demək istiyirsən. Həm də doğru, ya da yalan olduğunu bilmədən. İndi isə gəl, bu sözü üçüncü ələkdən- fayda ələyindən keçirək. Bu sözün mənə bir faydası var?
- Əmin deyiləm.
- Belə çıxır ki, sənin mənə demək istədiyin sözdə nə həqiqət, nə xeyirxahlıq, nə də fayda var. Onda danışmağın nə mənası var?