Modernizm kişinin və qadının cinsi şəxsiyyət sərhədlərini aradan götürməyi təklif etməkdə və gizli yaxud açıq formada mütəmadi olaraq bunun təbliğatını aparmaqdadır. Halbuki, insanın psixoloji təbiəti "qadının qadın kimi, kişinin isə kişi kimi" yetişdirilməsi, hərəkət etməsi, yaşaması, davranması lazım olduğunu ifadə etməkdədir.

Bu səbəbdən həm evliliyin sağlamlığı, həm də ailədə fərdlər yetişdirilə bilməsi üçün "cinsi şəxsiyyət" qətiliklə qorunmalıdır. Yoxsa qarşı cinsə maraq azalması, evlilik təşkilatının bundan zərər görməsi, homoseksualların ciddi formada artımlar yaşanması qaçınılmazdır.

Çünki cinsi ehtiyaclarını bir şəkildə qarşılayan, ancaq "psixoloji ehtiyaclarını aradan qaldıra bilməyən" insanlar səbəbilə evlilik təşkilatı ciddi mənada zərər görməkdə və bütün insanlıq bundan mənfi mənada təsirlənməkdədir.

İnsanlığın hüzur və səadəti üçün qadının da, kişinin də "cinsi şəxsiyyət sərhədlərinin çox açıq və dəqiq bir şəkildə təyin olunması və uşaqların ona görə yetişdirilməsi" zəruridir.

Feminizm qadının "kişi kimi" olmasını təklif edərək böyük bir səhv etmişdir və bu səhvi etməyə davam etməkdədir. Halbuki, qadın hər istiqamətilə "qadın kimi" olmaq və elə davranmaq məcburiyyətindədir. Qadını kişiyə xaslaşdırma arzusu feministlərin natamamlıq kompleksindən başqa bir şey deyil.

Qadına ikinci sinif olmağı təklif edən anlayış necə doğru deyilsə, qadın-kişi qarşıdurmasına təşviq edən feminizmin "səhvi səhvlə düzəltmə yanaşması" da eyni ölçüdə səhvdir.

Çünki feministlər kişiləri "təbii düşmən" olaraq gördüklərindən, onlara hökm etmə arzusuyla cızıqdan çıxıblar. Bu səbəbdən qadın da kişi də təbii və ictimai roluna uyğun davranmalı, digər insanlarla ünsiyyətində duyğu, düşüncə və davranış qəliblərini yaxşı təyin etməlidir. Onsuz da fitrətə uyğun gəlməyən davranışlar insanın psixoloji təbiətinə uyğun olmadığından, bir müddət sonra rədd ediləcək.

Bu baxımdan qadının cəmiyyətdəki rolu genetik meylləri hesaba qatılmadan dəyişdirilməyə cəhd edilsə,