Əziz həmvətənlər, dostlar sizi spesifik formada, tarixi, elmi, qədim mənəvi dəyərlərə məxsus formada təbrik etmək istəyirəm.

Novruz bizim xalqın nə qədər qədim tarixə malik olduğunun göstəricisidir.
Bu bir kimlikdir həm də.

Sistemli tarix, fəlsəfə, din, elm Zərdüştdən başlayır desək yanılmarıq. Eyni zamanda bəşər tarixinin ilk bilinən sosialisti də məhz Zərdüşt olub.

Ancaq mən əminəm ki, Novruz kimi ənənə Zərdüştdən də qabaq olub. Çünki mən insan və odun tarixini, təkamülünü araşdıraraq bunu deyirəm.
Bu o qədər qədimdir ki, Afrikadan bizim coğrafiyaya ilk insanların köç tarixinə qədər gedib çıxır.

Əsaslandırdığım nüans budur:
Hələ Homo Erectus (ən qədim insanlar) təxminən 2 milyon il əvvəl Afrikadan Mesopotamiya, Misir, Qafqaz üzərinə köç etmişdir. Və təsadüfi deyildir ki, elə həmin ərəfələrdə, yəni insanın ilk odla tanış olduğu, ən əsas da odu özünün kontrol edə bildiyi, yandıra bildiyi ərəfələr də təxminən 2 milyon il hesab olunur. Bu dövrə aid arxeoloji kül qalıqlarının aşkarlanması bunu deməyə əsas vermişdir.

Yəni, dəyərli həmvətənlər, bugün qalanan tonqalı ilk insanlar Afrikadan buralara gəlib elə bizim indi yaşadığımız ərazilərdə kəşf etmişlər. Eyni zamanda təbiətin yeni formasiyası olan yazın gəlişinin də bayram kimi edilməsi də ilk bu coğrafiyaya məxsusdur. Çünki ilk insanların yaşamış olduğu Afrikada iqlim standartları bizim ərazidəki kimi fəsillərə konkret bölünmürdü.

Tarixin ən qədim insanlarının övladları, ilk ən böyük ixtira sahiblərinin törəmələri, yazı bayram edən ilk insan topluluqlarının nəvələri, əziz həmvətənlərimiz, azərbaycanlılar sizin hamınızın bu qədim bayramınızı təbrik edirəm!