Novruz Tanrıya və Yaradılışa həsr olunan elə dərin bayram mərasimidir ki özündə həm elmi həm ezoterik həm ruhi həm maddi bilikləri birləşdirir. Elmin bu yaxınlarda kəşf edə bildiyi astronomik yeni ili min illlər qabaq dəqiqəsinə qədər bilən adamlar görün necə yüksək və zəngin biliklərə malik olublar.
Odun Günəşin işığın Yaradanın maddi kainatda ən güclü maddi enerjisi olduğunu, elmin hələ indi başa düşdüyü suyun yaddaşı və psixologiyasının, torpağın yaratmaq gücünün olduğunu, havanın fikir və sözlərin enerjisi ilə dolduğunu dərk edən ulu baba və nənələrimizin necə yüksək və dərin elmi biliyə malik olması heyrət doğurur.
Yüzlərlə belə fakt misal göstərmək olar.
Təəssüf ki bəşəriyyətin ən möhtəşəm mərasimi yaradan bizlər indi onun həqiqi mahiyyətini demək olar ki itirmişik. Yalnız mexaniki olaraq bu mərasimlərin bəzi elementlərini qoruyub saxlaya bilmişik.
Bəşəriyyətin ilk təktanrılı dini Mazdyasnanı (zərdüştlük) ilk və ən dərin müqəddəs kitabı Avestanı, ilk peyğəmbəri Zərdüştü dünyaya Odlar Yurdu Azərbaycan bəxş edib.
Bu qədim və yüksək mədəniyyətin kulminasiyası olan Novruz bayramı ezoterik və kosmonoqik mahiyyəti olan elə yüksək və dərin bir xəzinədir ki onu dərk etmək üçün özümüzə qayıtmağı bacarmalıyıq.
Avestanı öyrənməliyik.
Azərbaycanlı olmayan adam Novruzu mexaniki keçirə bilər amma həqiqi mahiyyətini dərk edə bilməz. Novruz Azərbaycan xalqının əsas genetik identifikasiyasıdır. Yəni Azərbaycan xalqı elə Novruz bayramı deməkdir.
Novruz həm də yaradılış haqda ən yüksək bilik xəzinəsidir.
Yeni iliniz və Yaradılış bayramınız mübarək.
Ocağımız heç vaxt sönməsin. Uca dağlarımızın başında qoy həmişə 1 tonqal yansın.