Tez-tez məşqçi dəyişməklə məşhur Türk komandaları belə 20 ayda dörd məşqçi dəyişmirlər, amma hökümət dörd Mərkəz Bankası sədrini dəyişir. İqtisadiyyatda inflyasiya və borc batağı artıq hökümətə irrasional addımlar atdırır. İqtisadi trayektoriyaya baxsaq başkanlık sisteminə keçəndən sonra vəziyyət pisləşib. Bu sistem gəlməyi çətinləşdirdiyi kimi getməyi də çətinləşdirir. Əvvəl gedəndə belə yenə müəyyən koalisiya gücün qalırdı və hökümət quranın sənə ehtiyacı var idi. Belə bir imkan qalmayanda getmək də problemə çevrilir.

Həm xammal və nəqliyyat qiymətləri artanda (qlobal vəziyyətin və yerli siyasətin təsiri), həm valyuta stabil olmayanda, həm də yüksək faizlərə görə borclanma və kapital xərcləri artanda şirkətlər üçün çıxış yolları qalmır. Hələ özəl sektor külli miqdarda qısa və uzun müddətli xarici borc batağına giribsə vəziyyət daha da çətinləşir. Belə görünür bu yolun axırında ya erkən seçim, ya da IMF var. bəlkə də hər ikisi...