Baydenin Rusiyaya qarşı qəbul etdiyi sanksiyalar elə qurulub ki, ABŞ-ın Rusiyaya olan ixracatına təsir etməsin. Məsələn, indiki sanksiyalar ABŞ-ın Rusiyaya olan ixracatının cəmi 0.5%-nə təsir edir. Yəni bu sanksiyalar sadəcə simvolik xarakter daşıyır. Əgər Bayden administrasiyası Şimal Axınını dayandırmasa və yalnız ritorika ilə kifayətlənsə, bu, Bayden administrasiyasının daxili auditoriyanın başını aldatmaqla məşğul olduğunu çox aydın şəkildə göstərəcək. Birinci Dünya Müharibəsi zamanı Britaniya ingilisləri müharibəyə ilhamlandırmaq üçün "Hang the Kaiser!" adı altında propaqanda kampaniyası aparırdı ki, kayzer cinayətkardır, alman rejimi mütləq şərdir, müharibədən sonra kayzeri mühakimə edib belə asacaq, elə kəsəcək və sairə. Lloyd George reparasiya və kayzeri asmaq məsələsindən istifadə edərək 1918 seçkilərində qalib gəldi. Britaniya hökuməti, əlbəttə, geosiyasi səbəblərə görə heç bir zaman kayzeri asmaq və ya Almaniyanı məhv etmək fikrində deyildi. Digər tərəfdən müharibədən sonra adi ingilislərə göstərmək lazım idi ki, guya, Britaniya hökuməti verdiyi sözü yerinə yetirdi, ədalət öz yerini tapdı və Britaniya Almaniyanı cəzalandırdı. Ona görə də formal olaraq Almaniyadan tələb olunan reparasiyanın məbləği çox böyük təyin olunmuşdu ki, insanlar bunu görüb, həqiqətən Almaniyanın cəzalandırıldığına inansın. Amma reallıqda reparasiya məbləği bir neçə yerə bölünmüşdü və Almaniyanın real olaraq ödəcəyi məbləğ çox az idi (Fransanın narazılığına baxmayaraq) və hətta o borc da dəfələrlə restrukturizasiya olunmuşdu. Amma Almaniyanın "dəhşət ağır" reparasiyalar ödəməsi mifinə insanların inanması müharibədən sonra nasistlərin və Hitlerin bundan öz çıxışlarında uğurla istifadə etmələrinə şərait yaratdı. İndi Avropanın və ABŞ-ın Rusiyaya qarşı sanksiyaları da əksər hallarda çox simvolik xarakter daşıyır və əsasən daxili auditoriya üçün hesablanıb və real caydırıcı gücü yoxdur. Avropa eyni strategiyanı Çinə qarşı istifadə etmək istədi və ümid etdi ki, çinlilər başa düşər ki,