Ohayo ştatında yaşayan azərbaycanlı ailənin saxta sənədlərlə dövlətdən 7.4 milyon dollar yardım alıb sonra istintaqa cəlb olunduğunu bilirsiniz. Bu keçən il media araşdırmaları nəticəsində ortaya çıxmışdı. O ərəfədə dövlətin pandemiyaya görə verdiyi yardımlar üzərində yoxlama kampaniyası var idi və aydın idi ki, belə hallar üzə çıxacaq. Deyəsən bir ailənin bir neçə azərbaycanlı üzvü artıq həbs olunub.

Hamı bu barədə özümüzü, xalqımızı pisləyən yazılar yazır. Belə yanaşma olmaz. Hər ölkədə başqa ölkədən gələn düz çalışan, zəhmətilə işlər görüb uğur qazanan insanlar var və Amerikada yaşayan azərbaycanlılar arasında belələri qat-qat çoxdur, onlardan yazın və onlarla fəxr edin. Əlbəttə əyri işlərlə məşğul olanlar da var - başqa millətlərdən olanlarda da var, azərbaycanlılarda çox deyil, əminəm daha azdır. Medicare tarixində ən böyük pul mənimsəmə saxtakarlığını edən qonşularımızdan tutun hər gün bu işlərə görə cəzalanan amerikanlara qədər.

Belə yanaşmadan, onları və özümüzü “ələ salmaqdan” uzaq olun.