I Pyotr Peterburq bazarını gəzərkən görür ki, bazarda bir kişi, 20-30 qadın qutab satır. Alıcılar qadınların yox, kişinin qutablarını alırlar. Kişi şirin dili, məzəli hərəkətləri ilə hamını özünə cəlb edir. Çarın əmri ilə onu saraya gətirib yazıb-oxumağı öyrədirlər. Bazar adamı sürətlə vəzifə pillələrini qalxaraq saray naziri Menşikov kimi Rusiyanın tarixinə daxil olur. Ancaq bazarda öyrəndiyi bir adəti unuda bilmir. Orkestrin sədaları altında qonaqlar rəqs edərkən hay düşür ki, Avstriya səfirinin xanımının boyunbağısını açıblar. Pyotr sakitcə yan otağa keçib Menşikovu çağırtdırır. Sifətinə iki şillə çəkir. Menşikov boyunbağını çıxardıb qoyur stolun üstünə.