Şah dövründə İrandan müəyyən miqdar tələbə gedib ABŞ'da təhsil alırdı. Maraqlıdır ki, bunların içərisində strateji sahələr də vardı.

Atomic Energy Organization of Iran (İran Atom Enerjisi Təşkilatı) İrandakı inqilabdan 5 il əvvəl, 1974-cü ildə yaradılmışdı. Həmin ərəfələrdə İranda bu sahədə ABŞ'a təhsil almağa gedənlərdən biri də Ali Akber Salehi idi.

Kərbəlada bir fars ailəsində doğulmuş Salehi Beyrutdakı Amerikan universitetində təhsil aldıqdan sonra, 1977-ci ildə ABŞ'da dünyanın ən güclü mühəndislik universiteti olan MIT'də atom mühəndisliyi üzrə təhsilini bitirir. Özüdə PHD.

İrandakı inqilab zamanı qərbə meylli olan, orda oxuyanlardan nə qədəri ölkəni tərk edir. Maraqlıdır ki, yeni teokratik hakimiyyət necə bu tərz strateji kadrlardan bəzilərini saxlaya bildi?

Xarici İşlər naziri vəzifəsində də (2010-2013) işləmiş Ali Akber Salehi illərdir İranın Atom Orqanizasiyasına rəhbərlik edir.