normativ prinsip kimi görmək və s.
Bəs əsl şeytani mahiyyətə hansı malikdir?
Buna isə modern liberalizmi aid etmək olar.
Fərdə ifrat azadlıqlar adı ilə insani normalları aşındıran, neo-faşizmə yol açan, mənəvi çalarları məhv edən, ailə təsisatını dağıdan yeni liberalist təfəkkürdür.

Liberalizmə aid digər önəmli nüans da liberalist ideologiya ilə liberal iqtisadi modellərin tam olaraq eyniləşdirilməsidir. Halbuki, bunlar arasında da incə fərqlər mövcuddur.
Liberalizm bir ideologiya olaraq fərdlərin təfəkkürünə aid proses olub, modern formada (neo-liberalizm) dünyada fəlsəfəsi olmayan fəlsəfə yaradır. Heç bir nəsnəyə diqqət yetirmədən ancaq ifrat azadlığa qeyri-şüuri formada sitayiş edəcək formaya gətirir insanı.
Liberal iqtisadiyyat isə ideoloji formanı kənara atsaq bir iqtisadi-siyasi forma, hətta elmi xatakter daşıyan predmetdir.
Təbii ki, bunun da müsbət və mənfi xüsusiyyətləri mövcuddur.
Məsələn, İngiltərədə yeni təşəkkül tapan bazar münasibətlərində Adam Smith'in liberal iqtisadi modeli ingilis cəmiyyətinə çox faydalı olmuşdur.
Adam Smith iqtisadi-siyasi formulasının mahiyyəti nə idi?
İstənilən bir kəndli və ya fərdi bacarıqlı şəxs müstəqil formada azad biznes və istehsal müəssisəni yarada bilər. Bununla o özü ilə bərabər cəmiyyətin işçi təbəqəsinə də çörək bəxş edəcəkdir. Yəni, bir şəxs azad formada xırda manufaktura yaratmaqla çoxlu ailənin gəlirlərinə səbəb olacaq iş müəssisəsini də paralelində formalaşdıracaqdır. Bu da paralelində cəmiyyətin iqtisadi balansını avtomatik formalaşdıracaqdır.
Adam Smith buna xalqların rifahı deyirdi.
Bugün eyniylə yenə bəzi marksistlər mahiyyətinə varmadan Adam Smith'in konsepsiyasını tamamilə neqativ olaraq görürlər. Əslində isə hüquqi olaraq riayət edildikdə Adam Smith modeli özündə rifah vəd edən önəmli çalarlara malikdir.
Liberal iqtisadiyyatın mənfi xüsusiyyətlərinə isə özəl mülkiyyətin meqa forma alması, monopoliyanın sürətlənməsi, sinfi təbəqələşmənin artması, hüquqi aktların pozulması ilə