vəssalam. Amma digər tərəfdən də, birdən özünü saxlaya bilməz, əlindən xəta çıxar, toy günü baş verəcək məsələ daha tez olar. Bu isə bizim ənənələrə görə yaxşı sayılmır. Xüsusilə də, qız üçün. Üçüncüsü də, kənardan yaxşı görünmür. Çünki təmiz, əxlaqlı qızlar nişanlısı olsa belə oğlanla kirayə evə gedib, bağlı qapı arxasında oyun çıxarda bilməz. Bu, fahişələrə, ən azı gəzəyən qızlara xas xüsusiyyətdir...

Ancaq özünü müasir sayan qızlara, oğlanın “səni sevirəm, səninlə evlənəcəyəm” deməsi kifayət edirdi ki, onunla gəncliyin dadını çıxarsın və kənardakıların dedi-qoduları bu güclü ehtirasın qarşısını almaqda aciz idi. Oğlanları da bilirsiniz də, bizim cəmiyyətdə onlara hər şey olar, heç bir qınaq, məzəmmət yoxdur. Hətta öygü var. Nə qədər çox qızla gəzib-dolaşsan, başın daha uca olar, “əsl kişi” sayılarsan. Dünyaya qanunsuz uşaq gətirsən belə, bunu sənə ayıb sayan tapılmaz. Kişisən axı. Əsas günahkar qadındır...

Ancaq mən bunu hər zaman günah saymışam. Hesab etmişəm ki, qadın özünü aldatmaq istəsə belə, sən hansısa bir neçə dəqiqəlik həzz üçün yalan danışmamalısan. Bu hər şeydən öncə sonradan çəkəcəyin vicdan əzabına belə dəyməz. Digər tərəfdən, kişi yalan danışmamalı, verdiyi vədi yerinə yetirməlidir.

Bir dostum vardı, deyirdi ki, qızlara yalan danışmasan, onlarla əylənə, kef edə bilməzsən. Onlar özləri belə olmasını istəyirlər. Sonradan yalandan göz yaşı tökürlər. Ona cavab verirdim ki, insan yalnız sevdiyi insanla yaxınlıq etməlidir və bu yaxınlıq da evliliklə nəticələnməlidir. Düzgün yol budur.

Fəqət bir mühüm məsələ var: gənclər müxtəlif səbəblərdən vaxtında evlənə, ailə qura bilmirlər. Bu səbəbdən cinsi istəklərini başqa üsullarla təmin etməyə çalışırlar. Bu meylin kişilərdə daha fəal olduğunu eşitmişəm. Elə buna görə də, islam dinində insanların cinsi yetkinliyə çatan kimi evlənməsi məsləhət bilinir. İstər kişi, istərsə də qadın. Ancaq müasir sivilizasiyadan doğan, Avropadan gələn qanunlar bizə təlqin edir ki, 18 yaşdan tez olmaz. Doğrudur, bu