Ağıllı iqtisadiyyat ağıllı və çevik elm mərkəzləri tələb edir. Elm mərkəzləri də güclü doktorantura təhsili və elmi araşdırmalar mühiti ətrafında qurulur. Bu barədə bir neçə istiqamətdə işlər görmək lazımdır. Ən birincisi xaricdə doktorantura proqramının effektivliyini artırmaq, o doktorantların ölkədə sahələr üzrə verilən qərarlara təsirini artırmaq, onların qayıdıb ölkədə elm mühitinin qurulmasına vəsait xərcləmək lazımdır.

Sonra hazırkı doktorantura sistemini yenidən qurmağa çalışmaq ya da alternativ doktorantura sistemi qurmaq (mövcud sistemdən qurtula bilmirlərsə) və ondan istifadə etmək lazımdır. Həm də xaricdə yaşayan azərbaycanlı doktorantlar və elmi fəaliyyət göstərən adamlarla əməkdaşlıq etmək lazımdır.

Bunların hamısı da böyük vəsaitlər tələb edir, elmi tərəqqi ucuz deyil. Amma bu yatırımlar uzun müddətdə özünü doğruldur, çünki bunun əksi ağıllı yox, asılı iqtisadiyyat olur.