Əsil Azərbaycanlı dostluğunuda, düşmənçiliyində gərək kişi kimi aparsın.

Əgər bir nəfərlə düşmənçiliyin var? Çağır meydana, rəqabət apar.

Burda Kərbəla İsmayıldan bir mövzu paylaşacam.
Sizdə oxuyub, paylaşın xalq görsün ki, Azərbaycan kişisi necə düşmənçilik aparar.

Kərbəlayı İsmayıl, 1930-cu ildə bolşeviklərin təqibi ilə Arazın o tayına keçəndə, hamilə gəlinini, qan düşməni və düşmənçilik apardığı Usuboğlunun evinə gətirir:
- Gəlinim sənə əmanət, onu o tərəfə keçirə bilmirəm, - deyir. Usuboğlu, Kərbəlayının yanındaca öz arvadını çağırıb deyir:
- Bu, Kərbəlayının gəlinidir. Düşmənçiliyimiz öz yerində, amma gəlini sənə tapşırıram, onun başından bir tük əskik olsa, başını kəsərəm.

Usuboğlu öz oğlunu da girov kimi Kərbəlayıya verir. Deyir ki, qayıdanda oğlumu gətirib, gəlinini sağ-salamat apara bilərsən.

Ən əsası: Kərbəlayı geri dönəndə İrandan Arazı keçərkən ruslarla gülləbarana düşür və qan düşməninin oğlu, hәmin atışmada ölür. Kərbəlayı meyidi götürüb, kəfəni də geyərək gəlir qan düşməninin qapısına ki, buyur öldür məni, sənin oğlun şəhid düşdü və mən sənin əmanətini saxlaya bilmədim..

Qan düşməni Usuboğlu cavabında deyir: "Gəlinin oğul dünyaya gətirdi. Əmanətini al götür, amma bir şərtim var ki, nəvənə mənim ölmüş oğlumun adını qoyarsan."

Bәli, Azərbaycanda bu cür kişi kimi düşmənçilik aparan adamlar olub.