Deməli, Maurisio Gucci, bütün Gucci imperiyasının varisi, İtaliyanın ən məşhur kişilərindən idi. 22 yaşı olanda florentiyalı Patrisiya Recani ilə görüşməyə başladı, amma ailəsi bu münasibətləri ciddi qəbul etmirdi. 2 il sonra onlar evlənmək qərarını alanda da heç sevinmədilər.

Amma buna baxmayaraq, 1972-ci ildə cütlük ailə qurdu.

Milanda və Nyu-Yorkda gözəl mənzillər, 60-metrlik gəmi, özəl təyyarələr, St. Moritz və Acapulcoda bağ evləri. Cütlüyün 2 qızı dünyaya gəldi. Həyatları çox gözəl idi.

Amma bir müddət sonra hər şey dəyişdi. Maurisio yeni sevgili tapdı - uzunboylu sarışın Paola Françi. 1985-ci ildə isə ailəsini və qızlarını qoyub, sevgilisi ilə Milana köçdü.

1991-ci ildə rəsmi olaraq boşandılar. Patrisiya mülkün bir hissəsini və ildə təxminən 860.000 dollar aliment aldı. Bu hal onu çox qəzəbləndirirdi və keçmiş ərinə ölüm arzulayırdı. Patrisiya qorxurdu ki, Guccinin bütün var-dövləti qızlarına qalmayacaq.

27 mart 1995-ci ildə Maurisio Gucci öz ofisinin qarşısında güllələndi.

Şayiələrə görə, Guccinin ölümündən 3 saat sonra Patrisiya keçmiş ərinin məşuqəsini Milan mənzilindən qovdu və qızları ilə birlikdə oraya köçdü.
⠀
Uzun müddətdi cinayətkarı tapa bilmirdilər - ya İtalyan mafiyası ya da ailə üzvlərindən şübhələnirdilər.
⠀
Və yalnız 2 il sonra Patrisiya Recani həbs edildi və 26 il həbs cəzası aldı.

“Velosipeddə həyatdan zövq almaqdansa Rolls-Royceda ağlamaq yaxşıdır”, - Patrisiya demişdi.

2011-ci ildə Patrisiyaya həbs cəzasını islah işlərlə əvəz etmək qarşılığında müddətdən əvvəl həbsxananı tərk etməyi təklif etdilər. “Mən həyatım boyu işləməmişəm, indi də işləməyəcəm”, - deyərək, təklifi rədd etmişdi.

2016-cı ildə Guccinin keçmiş həyat yoldaşı 18 il həbs cəzasını bitirdikdən sonra azadlığa çıxdı. Ona 22 milyon dollar və illik 1.2 milyon dollar ödəniş təyin edildi.

Bu gün Maurisio Guccinin mirası iki qızı tərəfindən idarə olunur.

Hazırda Ridli Skot Gucci ailəsi haqqında “House of Gucci” adlı film çəkir. Baş rollarda