Yeganəyə düşən yolda taksilər dayanmadan valik daşıyır. Sanki binaların arxasında qanlı döyüş gedir və helikopterlər, Ambulanslar saysız-hesabsız yaralı daşıyır. Hadisələr eyni sürətlə davam edir. Taksilər qızları mindirən kimi çox sürətlə qazı basıb gedirlər.

Yoldan keçən 10 qızdan 8-nin üzü, gözü deformasiyaya uğrayıb. Hamı qəsdən elə paltar geyinir ki, götü daha yekə görünsün.

Mağazalardan sinə vurmaq ritmində, şiə mərsiyələri, kiminsə qəmli fonda əhvalat danışmağı və ya Aqşin Fateh tərzi qəmli mahnılar səslənir.

Hər mağazanın qabağında, hər ağacın altında topa-topa 3-4 qara, yolux gədə dayanıb söhbət edir. Hamısının geyimi eynidir. Darbalaq şalvar, makazin ayaqqabı, hərifli kəmər, S razmer boynu 3 düymə dar köynək.
Hamısının üz-gözü eynidir. Boğazın altından və yanaqdan xətt ilə saqqal kəsilib.

Tez-tez düz yolun ortasında hansısa bir maşın saxlayır və gedir işinə gücünə. Yol bağlanır. Bütün sürücülər məcbur qalıb qarşı yola çıxıb gedirlər, tıxac yaranır amma heç kim heç nə demir, yəni elə belə də olmalıdır.

Hərdən mağazaların şüşələrindən bayıra mağaza sahibinin saxladığı qızlar gəlin ab-havasında laqeydcəsinə baxıb gözlərin süzdürürlər.

Padvalda yerləşən bir mağazanın pilləkənə qoyduğu kalondan gələn səs adamın beyninə işləyir. Bir qızın cır və əsəb verən səsi dayanmadan eyni cümləni təkrarlayır:
-Qadın çantaları, qadın ayaqqabıları, keçin baxın, keçin baxın...

Arıq, çəlimsiz, qəmgin və yorğun bir qız əlində topa ilə tutduğu test kağızlarını qabağından keçən hər kəsə uzadır. Kimsə iyləmək üçün ondan bir kağız götürəndə qız yalvarırcasına, astaca bu sözləri deyir:
-Nolar keçin içəri ətirlərə baxın, almasaz da olar, təki içəri girin, mən burdan faiz alıram, müdür görsün ki, işləyirəm, nolar xahiş edirəm.
Mağazada polkanın arxasında oturub ancaq başı görünən 160 boylu çatmaqaş ortayaşlı müdür də qıza hər yaxınlaşan olanda bir az götün tabletladan qaldırıb çölü pusur ki, görsün qız necə işləyir.

Yeni tanış olduğu qızı hinduşka