Bu səmadakı ulduzlar deyil. Hamısı raketlərdi. Biri atılan digəri atılanı vuran raketlər.
İş o həddə çatıb ki, süni intellekt də başını itirib. Yaxın saatlarda Tel-Aviv şəhərinə 130 eyni anda raket atılıb. Şəhərin bəzi hissələri alovlar içindədi.
Bundan əvvəl də Qəzza şəhərində partlayışlar olmuş, bir böyük bina uçmuş, dağıntılar var.

Sosial şəbəkələrdən görsənən odur ki, son gündə İsrailə təxminən 400-ə yaxın raket atılıb. Bildiyim qədəriylə bundan əvvəl Səddam eyni anda 200 ədəd raket atmışdı.

Əksəriyyət ümumiyyətlə raket qorxusu nədir bilmir və uzaqdan hər şeyə qeyri-insani davranmağı asan hesab edir. Gəncəyə 10-20 arası raket atılanda nə hisslər yaşadıq çox yaxşı bilirəm. İsraildə və ya Fələstində heç Gəncə boyda şəhər yoxdur. Cəmi 3-4 raket Gəncəyə düşdü nə qədər insanlar, ailələr həlak oldu. 400 raketin 10-15 ədədi yayınıb və mənzərə ortadadı. İndi təsəvvür edin hamısı düşür. Təsəvvür edin ki, İsrailin elmi-texnoloji amili yoxdur.
Bu genosid olardı. Yəni, ölən fələstinlilərlə bərabər bunları da demək lazımdır axı.
İndi bunun qarşılığı da mütləq olacaq. Hər ölən yəhudiyə bəlkə də daha çox müsəlman öləcək.
Kimə faydalıdır bu?

Kimə necə sərf edir informasiyaları paylaşacaqlar. Bəzi medialar ölən yəhudi uşaqları, bəziləri isə ölən müsəlmanları göstərəcəklər.

Yazıq hər iki günahsız xalqa. Hər ikisi qədim semitlər, etnik əmioğludurlar. Hər ikisi eyni Allaha inanır, eyni adətlərə malikdir. Sünnətdən oruca qədər eyni ənənələrə sahibdirlər. Dillərində belə nə qədər eyni köklü sözlər var.

Sosial şəbəkələrə girmək istəmirəm. Bir tərəf ölən yəhudilərə sevinir, bir tərəf ərəblərə.
Utancverici durumdu.