Azərbaycanda taksi sürücülərinin 80%-i elə bil ki, hansısa gizli təşkilatın üzvləridir. Bu təşkilat üzvlərinin ortaq xüsusiyyətləri aşağıdakı kimidir:

1. Heç biri əslən taksist deyil. İki universitet oxuyublar, iki diplomları var. İş yoxdur deyə taksi sürürlər.

2. Hər biri nə zamansa böyük vəzifədə olub, ya da böyük pullar batırıb. Hansısa tanınmış şəxsin qohumu, yerlisi, dostu, sinif yoldaşıdırlar. İstəsələr gedib iş istəyə bilərlər, istəmirlər.

3. Çox səmimi insanlardır, istədikləri mövzuda çəkinmədən sual verə, öz həyatlarından istədikləri anları rahatlıqla bölüşə bilərlər. Hadisələrin birində, taksi sürücüsü ödündən çıxarılmış, salfetə büküb pencəyinin üst cibində mühafizə etdiyi daşı göstərmişdi.

4. Onlar sanki gizli tədqiqat aparır, müştərini danışdırmaq istəyirlər. Buna görə də öndə yox, arxada oturanda kefləri pozulur, aynadan şübhəli şübhəli müştəriyə baxmağa başlayırlar.

5. Dedikləri kimi, əslində taksi sürücüsü olmamaları ondan birlinir ki, özlərini xidmət sektorunda işləyən şəxs kimi yox, maşın daxili məkanın sahibi, səni də hər an qova biləcəkləri qonaq kimi görürlər. İstədikləri musiqiyə səs verir, telefonda məhlə uşaqları ilə telefonda qışqıra qışqıra danış bilirlər. Hətta maşında uşaq olsa belə, bir-birini təhqir edib izləyiciləri coşduran meyxanaçıların danışıqlı döyüşlərinə yüksək səslə qulaq asa bilirlər.

Davranış normalarına çevirilməli olan, normal, məqbul, sadə etiket qaydalarını xatırlatdıqda isə aqressivləşirlər.