Dostlar bu gün sizlərlə yeni öyrəndiyim, məncə çoxumuzun bilmədiyi bir maraqlı məlumatı bölüşəcəyəm.

▫️Təsəvvür edin, yeni dünyaya gəlmisiniz. Amma artıq 1 yaşınız var, bir müddətdən sonra isə 2 yaşınız olur. Niyə dediyinizi eşitmiş kimiyəm.

▫️Cənubi Koreyada ana bətnində keçirilən 9 ayla birlikdə körpələr dünyaya gəldikdə 1 yaşında qəbul edilir. Eyni zamanda köhnə Asiya say sistemində 0 rəqəmi olmadığı üçün uşaqlar dünyaya gələn zaman 1 yaşında sayılır. Normalda dünyaya gəldiyimiz günü keçəndən sonra bizim yaşımızın üzərinə 1 yaş da əlavə olunur. Amma Cənubi Koreyada bu belə deyil, yaşın artması illərlə bağlıdır. Yəni hər il 1 yanvar 1 yaş daha da böyüyürlər. Məsələn, 29 dekabrda anadan olan körpə bu qayadaya əsasən 1 yaşında hesab olunur, 1 yanvara keçdikdə isə artıq onun 2 yaşı olur.

▫️Bu isə təsəvvür edin ailələrə necə təsir edir. Yeni doğan bir uşağın yaxın zamanda artıq 2 yaşı olur. Onlar bunu qəbullanmaqda çətinlik çəkirlər. Buna görə ilin əvvəlində dünyaya gələn uşaqları daha şanslı hesab edirlər.

▫️Şimali Koreyada da insanların yaşı ölkənin qurucusu Kim Il Sung'un doğduğu təqvimə görə hesablanır.

Bəs sizin Koreya yaşınız neçədir?