İsveçdə seks azaddır. Amma ortalığa pul girəndə, bu artıq cinayət sayılır.
Seksi pulla satan deyil, alan adam cinayətə cəlb olunur.
Seksin maddiyyat qarşılığında satılması heç vaxt könüllü ola bilməz. Ona görə də, fahişəliyə məruz qalmış qadın və qızlar kişilərin zorakılığına görə cinayət qurbanı sayılırlar və qanunla, onların, bir daha bu cür cinayətlərin qurbanı olmamaları üçün, aldıqları fiziki və psixaloji yaraları sağaltmaq üçün, dəstəklənmək, yardım almaq hüquqları vardır.
Beləliklə, İsveçdə pul və yaxud dəyəri olan hər hansı bir şey müqabilində seksi satın almaq, maddi təzminat qarşılığında cinsi zorakılıq etmək deməkdir və cinayət sayılır. Qanun, 1 yanvar 1999- cu ildə qüvvəyə minəndə İsveç buna görə dünyada birinci ölkə idi. Daha sonralar Norveç, İslandiya, Fransa, Kanada, İrlandiya və başqa ölkələr İsveçin yolunu davam etdirdi.
Pul və maddiyyat qarşılığında seksi satın alan adam, törətdiyi cinayətin dərəcələrinə görə, pul cəriməsindən tutmuş səkkiz ilə qədər həbs cəzası ala bilər.