19 may keçmiş SSRİ-də Pioneriya Günü idi.

Sovet hökuməti dağıldı, onunla birlikdə oktyabryat, pioner və komsomol təşkilatları da Leto çayına qərq oldular. Mən bu təşkilatların ləğv olunmasını səhv addım hesab edirəm. Onların ləğv edilməsini ideologiya aləti olmaları ilə izah edirlər. Razıyam ki, o təşkilatlar dövlət ideologiyasının ruporları olublar. Amma burda pis nə var ki? Uşaq, yeniyetmə və gəncləri təşkilatlandıran, maarifləndirən, asudə vaxtlarını təşkil edən, ideya boşluğundan mühafizə edən təşkilatların nə ziyanı ola bilər? Onların adlarını dəyişmək olardı (pioner təşkilatı üçün buna da ehtiyac yox idi), siyasi yükünü və oriyentasiyasını yeniləmək olardı. Yəni onlar dövlət ideologiyasının təbliğatçıları idilərsə, deməli, artıq müstəqil Azərbaycan dövlətinin ideologiyasına xidmət edəcəkdilər. Hazır təşkilati struktur dağıdıldı...

Bəziləri deyəcək ki, uşaqların beyninə ideologiya yükləmək olmaz. Əvvəla, hansı ölkədə uşaqlar ideologiyadan xaric tərbiyə olunurlar? Belə bir ölkə yoxdur. Bütün dünyada humanitar fənlər üzrə dərsliklər dövlət ideologiyasının tərkib hissəsidir. İkincisi, məgər bizdə uşaqlar ideologiyadan kənarda qalıblar? Əsla yox. Sadəcə, bu işdə bir sistemsizlik var, təşkilatlanma yoxdur. Xatırladıram ki, ideologiya təkcə siyasi sahədə olmur.

Pioneriya kimi təşkilat ABŞ-da olanda (skautlar hərəkatı) bunu normal qarşılayırıq. Bir vaxtlar Azərbaycanda da skaut hərəkatını yaratmağa cəhdlər oldu, alınmadı. Amma pioneriya, məncə, alınar, çünki yaşlı nəslin əksəriyyəti bu təşkilatdan keçib, həmin dövrünü rəğbətlə xatırlayır.

Şagirdlərin təşkilatlarını itirdik, bəs nə qazandıq? Böyük ideyaları, amalları, məqsədləri olmayan məktəbliləri və onların davamı olan gəncləri. Getdikcə cılızlaşan, ümummilli mənafeyi olamyan nəsilləri. İntiharları, “kazbekə şey basıb zırrananları”, bakirəliyini elektron hərraca çıxaranları... Uşaq və gənclərin ideologiya boşluğunu dolduracaq o qədər axmaq-axmaq ideologiyalar var ki!.. Birdəfəlik başa düşməliyik ki,