Finlər deyir ki , məktəb bizim yeganə sərvətimizdir . Bizdə Rusiyadakı kimi Uralın zəngin filizləri , Sibirin qızıl ehtiyatları , təbii sərvətlər yoxdur . Təbiət öz hədiyyələrini bizdən əsirgəyib . İngilis zavodlarında poladı döyüb bərkitdikləri kimi , biz də öz gənclərimizi məktəblərdə möhkəmlədib həyata hazırlayırıq.
Məktəblərimizi əlimizdən al , biz məhv olacağıq . Təhsilin ölkədə belə geniş yayılması
nəticəsində əhali oxumağa alışmış , qəzet və kitaba bağlanmışdır. Burada kənddə şikəst insan kor insanın evinə gəlib onun üçün qəzeti başdan ayağa kimi oxuyur. Buna görə xalqın ən aşağı təbəqələri də dərin yuxuya dalıb qalmır , çürümür . Burada insanlar özlərinin şikəstlikləri və kimsəsizlikləri ilə barışmırlar. Başqalarının
fikri ilə " nə olacaqsa , olacaq " deyib ümidsizlik içində ömür sürməyi qəbul etmirlər .
Finlandiyada qadınların alver predmetinə çevrilməsi qadağan edilib . Ölkədə bir dənə də olsun qanuni fəaliyyət göstərən fahişəxana yoxdur . Xalqın içkiyə qurşanmasına qarşı kəskin tədbirlərə əl atılır . Finlər içkiyə meyillidirlər , ancaq bu meylin başlı-başına buraxılmasına yol verilmir. Finlandiyada xəzinəni araq satışıyla doldurmağa çalışmırlar ,
əksinə , arağı xalqın gözündən uzaq , onu şirinikləşdirə bilməyəcək bir sandıqda , qıfıl altında gizlətməyə çalışırlar. Finlandiyanın hər yerində arağı böyük tutumlu qablarda , baha satılır . Bu qiymətə arağı da almaq hamıya müyəssər olmur .