İsveçdə diş həkimində uşağa hər şeyi olduğu kimi başa salırlar. Həkim, harada, nə zaman, nə qədər ağrı ola biləcəyini şişirdib-azaltmadan, aldatmadan deyir. Sonra da bu, uzun zaman aparsa belə, həkim, uşağın öz istəyi ilə dişi üzərində iş görməyə razılıq verənə qədər böyük bir səbirlə gözləməlidir.
Bağçada uşağın burnunu silmək üçün ondan icazə istəməlisən. Razılıq verdiyi zaman silə bilərsən. Əks halda, bu ona qarşı fiziki təzyiqdir.
Beləliklə, uşaqlara öyrətmək istədikləri budur: Bu bədən sənə məxsusdur və bədəninin üzərində qərarları sən verirsən. İcazən olmadan kimsə ona toxuna və təzyiq edə bilməz! Nə məqsədlə olur olsun! Kim olur olsun.