Suyun nə qədər faydalı olduğunu bilsək, onu əlimizdən yerə qoymarıq. Lakin dahi Nizami Gəncəvinin dediyi kimi: “Bir inci saflığı varsa da suda, artıq içiləndə dərd verir o da”. Buna görə də Aile.lent.az suyun olar-olmazlarını araşdırıb.

Yaponların yuxudan oyanan kimi su içmək vərdişləri olduğunu bilirdiniz? Çox qədim tarixi olan Yapon Su Terapiyası bir çox xəstəliklərin müalicəsində istifadə edilir. Su içməyin faydaları ilə bağlı aparılan araşdırmalar hər gün bir az daha çoxalır. Yapon Su Terapiyası qastrit, diabet, yüksək təzyiq, astma, qəbzlik, ishal, göz xəstəlikləri, babasil, bronxit, vərəm, ürək problemləri, epilepsiya, qulaq-burun-boğaz xəstəlikləri, artrit, xərçəng, menstruasiya nizamsızlığı, böyrək və sidik yolları narahatlıqları kimi bir çox olduqca ciddi və yayılmış xəstəliklərlə mübarizədə istifadə edilən üsuldur.

Boş mədəyə su içməklə başlayan Yapon Su Terapiyası səhər yuxudan oyanan kimi ilk iş olaraq yerinə yetirilməlidir. Dişlərinizi fırçalamazdan əvvəl 640 ml. (təxminən 4 stəkan) su için. Suyun florid tərkibli olmamasına diqqət yetirin. Dişlərinizi fırçalayıb ağzınızı təmizləyin. Amma 45 dəqiqə heç bir şey yemək olmaz. Ondan sonra hər zamankı kimi səhər yeməyinizi yeyin. Səhər yeməyindən sonra iki saat heç nə yeməyin. Yapon ənənələrinə görə, su bir az ilıq olmalıdır, nə soyuq, nə də otaq istiliyində olmamalıdır. Uzaq Şərqdə insanlar yemək zamanı heç vaxt soyuq su içmirlər. Bunun yerinə isti çay tövsiyə edilir.

Bu üsulu yüksək təzyiqi və diabet olanlar 30 gün, qastrit və qəbzlikdən əziyyət çəkənlər 10 gün, vərəmdən şikayət edənlər 90 gün, xərçəng olanlar 180 gün tətbiq edə bilərlər. Artritdən əziyyət çəkənlər bu terapiyanı ilk həftə sadəcə 3 gün etməli, sonra isə gündəlik tətbiq etməlidirlər.

Əgər səhər yuxudan oyanan kimi bu qədər su içməyə əziyyət çəkirsinizsə, iki stəkanla başlayıb, Vaxt keçdikcə 4 stəkana qədər artıra bilərsiniz. Böyrəklərimiz saatda 800-1000 ml su süzə bilmək qabiliyyətinə malikdir. Buna görə də bir dəfəyə 4