Biz doğulandan ölənə kimi enerjimizi azalda-azalda gedirik. Öldükdə sıfir nöqtəsinə gəlirik. Bu prosesi dayandira bilmərik. Yubada bilərik.

Ömrü uzada bilmərik. Onun qısalmasını yubada bilərik.

Necə?

Enerjisi ən yüksək insan-varlıqlar uşaqlardır. Bütün günü qaçırlar , oynayırlar. Adətən onlar bu prosesə böyükləri də cəlb etmək üçün əllərindən gələni edirlər.

- Ata gəl oynayaq.
- Ana, mənlə oyna.

Bu cümlələri eşitdikdə, bilin ki, bu sizə çox böyük hədiyyədir. Uşaq sizi yuxarı enerji dalğasına qaldırır. Sizi hərəkətləndirir. Sizi güldürür. Qocalmanızı yubadır.

Bir uşaq üçün ən dəyərli vaxt - valideyni ilə oynadığı vaxtdır. Böyüklər üçün iş nə qədər vacibdirsə, uşaq üçün də oyun elə vacibdir.

Onlarla oynayın. Bu onlara və özünüzə ən böyük hədiyyədir.

Oyuncaq ilə oynayan yox, valideyni ilə oynayan uşaq daha doğal və sürətli böyüyür.