Osmanlı imperiyasının ən böyük yüksəlmə dövrü Fateh Sultan Mehmet dövrüdür. Sultan Süleyman dövrü deyil.

Məlumdur ki, türklər köçəri tayfalar olmuşlar. Əsas üstünlükləri biləkləri, soyuq silahları, atları olmuşdur. Türklərin yeni innovasiyalardan istifadə etdiyi tarix əslində geniş formada məhz Fateh Sultan Mehmet dövrüdür.

Sultanın ətrafında elm insanlarının, texnoloji layihə verənlərin, qərbdən şərqdən öyrənib tətbiq edənlərin, strategiyalar yaradanların dövrü məhz budur. Konstantinopol dünyanın ən böyük toplarının hazırlanması ilə əldə edildi.

İmperiyanı ən çox genişlədən Səlim də, ən güclü siyasi-hərbi qüdrətə çatdıran Süleyman da Fatehdən qalma əldəki potensialla bunları etdilər.
Möhtəşəm Süleyman torpaq alıb, orda müvəqqəti güclənib, mərkəzi aparatı möhkəmlədib, at belində hər yerə gedib. Ancaq Fateh Mehmet kimi dünyaya elmi bucaqdan baxmayıb. Əvəzində isə sarayda eyş-işrətlə məşğul olub.

Əgər Süleymanın zamanında Osmanlıdan qat-qat zəif Avropa gedib yeni dünyalar ələ keçirdirdisə və Osmanlı da Səfəvilərlə burda bir-birini yeyirdisə, Süleymanın da Vyanadan o tərəfə xəbəri yoxdursa, bu yüksəliş sonu sürətli enişdən xəbər yüksəliş idi.