Ananın 3 oğlu vardı. Onlar böyüdülər, ailə qurdular və ana evini tərk edib, ayrı yaşamağa başladılar...

Ananın 80 yaşı tamam olandan sonra qardaşlar bir yerə yığışıb, ona etdikləri hədiyyələrin müzakirəsinə başladılar.

Böyük qardaş Milton dedi:
– Mən anam üçün hədiyyə olaraq böyük bir villa tikdim.

Ortancıl qardaş Cerald dedi:
– Mən ona Mersedes hədiyyə etdim.

Kiçik qardaş Donald gülümsədi və dedi:
– Mən isə ona ən yaxşı hədiyyə etdim. Yadınızdadır, anamız Tövratı necə həvəslə oxuyurdu? Lakin onun gözləri çox zəifləyib, oxumağa əziyyət çəkir. Buna görə də mən ona Tövratı əzbər bilən bir tutuquşu göndərdim. Quş bunları əzbərləmək üçün 12 il kilsədə yaşayıb. Belə tutuquşudan başqa heç yerdə yoxdur. Anamıza surənin və ayənin nömrələrini demək kifayətdir ki, tutuquşu onu söyləsin.

Qardaşlar öz əməllərindən məmnun halda dağılışırlar.

Bir müddət sonra qardaşlar hər biri anadan eyni məzmunlu təşəkkür məktub alırlar. Təşəkkürlərdən sonra ana məktubda yazmışdı:

“Milton, sən çox böyük ev tikmisən. Mən yalnız bir otaqda yaşayıram, lakin bütün evi təmiz saxlamalıyam.

Cerald, səyahət etmək üçün mən çox qocayam. Vaxtımın böyük hissəsini otağımda oluram, buna görə də Mersedesdən nadir hallarda istifadə edirəm.

Əzizim Donald, sən həmişə ananın nə istədiyini yaxşı hiss etmisən. Toyuq çox dadlı idi.”