İsveçrədə qadınlara seçki hüququ verilməsi haqqında referendum ilk dəfə 1 fevral 1959-cu il tarixində keçirilib. Bəzi kantonlarda qadınlar dəstəklənsələr də əhalinin əksəriyyəti bunun əleyhinə səs verdi (İsveçrədə 26 kanton var).

1971-ci ilədək İsveçrə qadınların səsvermə hüququnun olmadığı sonuncu Qərb respublikası idi. Düzdür, Lixtenşteyndə qadınların seçki hüququ 1984-cü ildə tanınıb, amma Lixtenşteyn konstitusiyalı monarxiya ölkəsidir.

Bu məsələ üzrə növbəti referendum 1971-ci ildə keçirildi və səs çoxluğu qazandı. Bununla belə bəzi kantonlarda qadınlar 1971-ci ildən sonra da yerli seçkilərdə səsvermə hüququna malik deyildilər.

Qadınlarla kişilərin seçki hüququnun bərabərləşdirildiyi axırıncı kanton Appencell-İnnerroden kantonu olub və bu hadisə 1991-ci ildə baş verib.

Azərbaycanda isə qadınlarla kişilərin seçmək və seçilmək hüququ (bütün səviyyələrdə) 1918-ci ildən bərabərləşdirilib.
______________
Mənə maraqlıdır:

Niyə İsveçrədə feministlər küçələrə çıxmayıblar? Bəlkə onların hamısını o vaxtdan Azərbaycana sürgün ediblər?

...və bəlkə elə buna görə İsveçrə Avropanın ən gözəl, inkişaf etmiş və əmin-aman ölkələri arasında liderdir?