yardımdan danışmağım gərəkir.
Məktəbə altı yaşdan başlayırlar, 1-4 ibtidai, 5-9 orta, 10,11,12 ci siniflər isə gimnaziya adlanır. Ibtidai siniflərdə uşaqların stres keçirtməmələri üçün qiymətləndirmə yoxdur. Ali məktəblərə qəbul imtahanları da yoxdur, gimnaziyanı bitirdikləri vaxt aldıqları qiymətlərə uyğun istədikləri ali məktəblərə yerləşib oxuya bilərlər.
Uşaqlara ayda 1250 kr (256 manat) uşaqpulu (barnbidrag) verilir. Əgər uşaq tək valideyn himayənsindədirsə, buna görə uşaq pulundan əlavə 11 yaşına qədər ayda 1573 kr (322 manat), 11 yaşından 15 yaşına qədər 1723 kr (353 manat), 15-dən 18-ə qədər isə 2073 kr (424 manat) pul (underhållsstöd) verilir.
Birinci sinfə gedən uşaqlara valideynin məktəb ləvazimatları (dəftər, qələm, pozan, rəngli qələm və sair) almağına ehtiyac yoxdur. Bütün bu ləvazimatlar onlara məktəbdə verilir. Uşaqlar səhər və nahar yeməklərini də məktəbdə yeyirlər. 7 ci sinifdən başlayaraq uşaqların hər birinə bir kampyuter (notebook) verilir və onlar dərslərini məktəbdə və evdə bu notebook vasitəsilə öyrənirlər. Dərslərin əksər hissəsi məktəbdə öyrədilir. Ev tapşırığı ya heç olmaz, ya da az olar. Əlavə üçün deyim ki, 18 yaşına qədər bütün tibb uşaqlara pulsuzdur.
Gimnaziyanı bitirdikdən sonra, yuxarıda deyildiyi kimi, gənclər, genəl olaraq, evdən ayrılırlar. Bəs onların öz ayağı üstündə durmalarına kim yardım edir? Təbii ki, dövlət.
Tələbə təqaüdü 3312 kr (675manat)-dır. Amma öz ayağı üstündə duran biri üçün bu məbləq, təbii ki, bəs eləmədiyinə görə, tələbə borcu deyən bir şey də var. Bu təqribən 7616 kr (1556 manat)-dır. Tələbə oxuduğu ali məktəbi bitirib işə girəndən sonra həmin borc maaşından az-az ödəməklə geri ödənilir. Həm tələbə təqaüdü, həm də tələbə borcu birlikdə evdən ayrılaraq oxumağa başlayan, ayağı üstə durmağa çalışan gənc üçün böyük yardımdır. Bu pulla o, tələbə evlərində otaq kirayələyib yaşaya bilər.
Çox vaxt gimnaziyani bitirən gənclər bir neçə il fasilə edib, sonra təhsillərini davam etdirməyə üstünlük verərlər.