Zaman kainatda nisbidir. Bizim yaşadığımız sistemin, qalaktikanın öz zaman anlayışı, fizikası, riyaziyyatı vardır.

Bu sadəcə meqa səviyyədə deyil, mikro formada da keçərlidir. Yəni, bizim yaşadığımız real dünya məkanında belə zaman fərqləri vardır. Dayandığımız məkandan hündürlüyə doğru qalxdıqca zaman dəyişir. Sadəcə çox mikro kəmiyyətdə.

Bir binanın 3-cü mərtəbəsində yaşayanla 4-cü mərtəbəsində yaşayan arasında zaman fərqi var. 4-cü mərtəbədəki üçün zaman daha sürətlidir, orda yaşayan daha yaşlıdır.
Evdə qolunuzdakı saatla divardakı saat eyni hərəkət etmir. Divardakı daha tez fırlanır.
Hətta bizim bədənimizdə belə zaman fərqləri vardır. Məsələn, başımız ayaqlarımızdan daha yaşlıdır.

Bütün bu nisbilik zamanın mikro dərəcələrində olduğundan hiss edilmir. İnsan ömrü də kosmik zamanda çox az olduğundan 100 il, hətta 1000 il yaşasaq belə ciddi fərq hiss etmərik.
Məsələn, ehtimal edilir ki, milyard illər zaman ərzində Yer qabığı ilə onun nüvəsi arasında cəmi 2-3 il zaman fərqi vardır. Yer səthi onun daxilindən cəmi 2-3 yaş qocadır.