Sosial şəbəkələrdə tez-tez, körpə uşaqların yanına yekə bir tort qoyub çəkilən şəkillərin paylaşımını görəndə, sözün əsl anlamında, qorxuram. Mənə görə, o tortun yerində bir qutu siqaret, yaxud bir butulka spirtli içki, ya da bir azacıq narkotik qoyulsaydı, elə böyük bir fərq eləməzdi. Şəkər onlardan daha təhlükəlidir, çünki şirin, dadlı və sevimli bir zəhərdir.
Maraqlısı odur ki, insanların maddi durumu pisləşdikcə, yeməklə şəkil çəkdirmək istəkləri daha da artır. Tortların mövzu rəngarəngliyi isə öz inkişafının zirvə nöqtəsini yaşayır. Fərqli mövzular, fərqli dizayn, təzə fərqli tapıntılar...Nə bilim, ramazanda üstündə cami fiquru olan tort, canım sənə desin, uşağın musiqi məktəbinə getməyə başlayıbsa, üstündə piano və kontrabas fiquru olan tort...(O ossun, bu ossun). Fantaziya sərhəd tanımır. Tort yemək üçün isə həmişə səbəb tapmaq olar. Elə bil camaat “Kimin tortu daha qeyri-adidir” yarışına girib.
Məlumat üçün deyim ki, yediyimiz, içdiyimiz hər şeydə, istifadə etdiyimiz ərzaqların əksəriyyətində, içdiyimiz süddə belə bu və ya digər dərəcədə şəkər var və bu, bədənimizin şəkər tələbatını artıqlaması ilə ödəyir.
Ona görə də tərkibində təbii şəkər barındiran meyvə, bal kimi yeyəcəklər belə ehtiyatla yeyilməlidir.
Amma biz neynirik? Bütün bunlar azmış kimi, bir də üstündən tortlar, pirojnalar, şokoladlar, dondurmalar, meyvədən çox pesokdan ibarət mürəbbələr, riçallar yeyir və uşaqlarımıza yediririk. Cola, fanta, meyvədən xəbəri olmayan “meyvəli” içəcəklər içir və uşaqlarımıza da içiririk. Bu, bədəni zorlamaqdı! Bədəninizə yazığınız gəlsin! Özünüzü düşünmürsünüzsə, heç olmazsa, uşağınıza yazığınız gəlsin!
Camaatın maddi durumunun belə çətin, adamların yemək seçiminin məhdud olduğu, ancaq tapdıqlarını yeyə bildikləri bir vaxtda, isti yerimdə oturub, nə bilim, kokos yağı, bal, badam tozu, qoz unu filan ilə faydalı tort eləyin zad deməyə dilim gəlmir. Tək bir şeyi əminliklə deyə bilərəm: şəkəri yedikcə daha çox yeyəcəksən, yemədikcə, inan ki, bədən özünü buna